2011/04/23
Irati Irratiak webgune berria du!
Gendik aitzina www.iratiirratia.net izanen da gure helbide berria. Bertan, eguneko irratsaio entzun ahalko duzue eta baita eskualdeetako hainbat informazio jasoko ere.
2010/12/13
Irati Irratiko Egunaren ondoren, abenduaren 31n saio berezia!!
Pipirripi, elikagai ekologikoen elkartearekin batera, abenduaren 5ean Irati Irratiak festa ttipi bat antolatu zuen Garralda-n (Aezkoa bailara). Elurrez inguraturik,goizean produktu ekologikoen azoka ospatu zen eta eguerdi partean Anjel Aintziburu luzaidarra omendu zuen Irati Irratiak. Aimar Karrika eta Laka bertsolariek hainbat bertso eskaini zizkioten eta ondoren produktu ekologikoz osatutako bazkariaz dastatzeko aukera izan zen: pasta entsalada, batxuri zopa, hanburgesak eta patata tarta. Bertsolariez gain, Tomasena eta Bittor Valentzia musikariak ere aritu ziren, baita, Gonzalo eta Gorka ere. Mila esker guztioi!!
Bestalde, abenduaren 31n Irati Irratiak urte bat beteko duenez, SAIO BEREZIA eginen dugu....
2010/07/16
Auñamenditik internet bidez
Gure eskualdean ez bazaude eta Irati Irratia entzun nahi baduzu, sakatu helbide honetan eta internet bidez azken saioak entzuteko aukera izanen duzu.
http://iratiirratia.podomatic.com/
http://iratiirratia.podomatic.com/
Erroibar, Luzaide, Auritz eta Orreagan ere bai!!!
Orain artio Aezkoan soilik entzuten zen Irati Irratia, gendik aitzina 107.7an Erroibar bailaran, Luzaide, Auritz eta Orreagan ere entzungai izanen da.
2010/03/03
BERRIA-n ere berri
Nafarroako Aezkoa eskualdean, Aribe herrian, sortu zen Irati irrati elebiduna, 1993. urtean. Baina 2002an irratia itxi egin behar izan zuten. Zortzi urteko etenaldiaren ostean, emisioei heldu diete.
Irati irratia berpiztu dute
Urtzi Urkizu.
Nafarroan euskarazko komunikabideei trabak eta eragozpenak jarri eta ekonomikoki itotzen ari diren garai honetan, salbuespentzat jo daiteke Aezkoa eskualdean Irati irratiarekin gertatu dena. Zortzi urteko ixilaldiaren ostean, abenduaren 31n berpiztu zuten, eta haren ahotsa FMko 107.7an entzun daiteke.
1993. urtean sortu zuten Irati irratia, Aribe herrian. Bederatzi urtez aritu zen Aezkoa eskualdeko berriak herritarrei helarazten. Baina 2002an etena etorri zen. Irratia ixtea nola gertatu zen gogoratu du Karmele Galarzak: «Duela zortzi urte irratia itxi behar izan zen, berrikuntza tekniko batzuk egiteko. Nahi genuen zutoina mendi puntan jarri, ingurune handiagoa hartzeko. Antena jarri ostean, Nafarroako Gobernuak esan zigun interferentzia batzuk sortzen zituela eta ez zegoela ongi». Horrek irratia itxita mantendu zuen, eta proiektua etenda egon zen hurrengo urteetan. «Urteotan herritar askok eskatu du irratia berriro martxan jartzea».
2009ko udazkenean, Garaioako mendian jarri zuten seinalea bidaltzeko zutoina. «Beste aldaketa tekniko batzuk ere egin behar izan ditugu».
Irratia berpizteko etapa berri honetan, 11:00etatik 13:00etara ari dira irratsaio bat egiten, eta gainontzeko orduetan euskal musika jartzen dute. «Saio horretan agurra, eguraldia, egunkarietako berriak ematen ditugu, eta iraganean izan ditugun elkarrizketak ematen ditugu». Elkarrizketa horien artean, besteak beste, Patxi Eugi eta Jabier Muguruzari egindakoak daude. Datorren astean, berriz, programa 13:30era luzatuko dute. Eta hainbat atal sartuko dituzte, aurreko etapan egiten zuten formula errepikatuz: astelehenetan osasuna, asteartean kirola, asteazkenetan kartak bota eta ametsen interpretazioa, ostegunetan haurren saio berezia eta ostiraletan elkarrizketak adineko jendearekin. Saioko edukiak euskaraz eta gaztelaniaz egiten dituzte.
«Ilusio handiarekin» hasi dute Irati irratian etapa berri hau. «Nafarroako euskal hedabide asko egoera zailean eta beldurtuta daude egun. Baina sekula baino beharrezkoagoa dugu euskal programazioa izatea hemen eta Euskal Herri osoan», iritzi dio Galarzak.
Momentuz Aezkoako bederatzi herrietan eta Auritzen entzuten da Irati irratia, baina laster seinalea Luzaidera eta Erroibarko ibarrera heltzea espero dute. Etorkizunean Arrosa sarean sartzea gustatuko litzaieke.
Lanpostu baten deialdia
Azaroan iragarki bat jarri zuten hainbat hedabidetan, Irati irratian lan egiteko lau orduko postu bat eskainiz. Baina inork ez du izenik eman. Eta, behin-behinean, hiru hilabeteko konpromisoarekin hasi da Karmele Galarza. Bera izan zen irratiaren aurreko etaparen amaieran ibili zen esataria. «Espero dut datozen hilabeteetan beste norbait azaltzea. Kazetaritza, komunikatzea eta mugitzea gustatzen zaionarentzat aproposa da lana».
Irratiko blog bat ere sortu dute ikasle batzuek: http://iratielkartea.blogspot.com.
http://paperekoa.berria.info/agenda/2010-01-12/035/010/Irati_irratia_berpiztu_dute.htm
Irati irratia berpiztu dute
Urtzi Urkizu.
Nafarroan euskarazko komunikabideei trabak eta eragozpenak jarri eta ekonomikoki itotzen ari diren garai honetan, salbuespentzat jo daiteke Aezkoa eskualdean Irati irratiarekin gertatu dena. Zortzi urteko ixilaldiaren ostean, abenduaren 31n berpiztu zuten, eta haren ahotsa FMko 107.7an entzun daiteke.
1993. urtean sortu zuten Irati irratia, Aribe herrian. Bederatzi urtez aritu zen Aezkoa eskualdeko berriak herritarrei helarazten. Baina 2002an etena etorri zen. Irratia ixtea nola gertatu zen gogoratu du Karmele Galarzak: «Duela zortzi urte irratia itxi behar izan zen, berrikuntza tekniko batzuk egiteko. Nahi genuen zutoina mendi puntan jarri, ingurune handiagoa hartzeko. Antena jarri ostean, Nafarroako Gobernuak esan zigun interferentzia batzuk sortzen zituela eta ez zegoela ongi». Horrek irratia itxita mantendu zuen, eta proiektua etenda egon zen hurrengo urteetan. «Urteotan herritar askok eskatu du irratia berriro martxan jartzea».
2009ko udazkenean, Garaioako mendian jarri zuten seinalea bidaltzeko zutoina. «Beste aldaketa tekniko batzuk ere egin behar izan ditugu».
Irratia berpizteko etapa berri honetan, 11:00etatik 13:00etara ari dira irratsaio bat egiten, eta gainontzeko orduetan euskal musika jartzen dute. «Saio horretan agurra, eguraldia, egunkarietako berriak ematen ditugu, eta iraganean izan ditugun elkarrizketak ematen ditugu». Elkarrizketa horien artean, besteak beste, Patxi Eugi eta Jabier Muguruzari egindakoak daude. Datorren astean, berriz, programa 13:30era luzatuko dute. Eta hainbat atal sartuko dituzte, aurreko etapan egiten zuten formula errepikatuz: astelehenetan osasuna, asteartean kirola, asteazkenetan kartak bota eta ametsen interpretazioa, ostegunetan haurren saio berezia eta ostiraletan elkarrizketak adineko jendearekin. Saioko edukiak euskaraz eta gaztelaniaz egiten dituzte.
«Ilusio handiarekin» hasi dute Irati irratian etapa berri hau. «Nafarroako euskal hedabide asko egoera zailean eta beldurtuta daude egun. Baina sekula baino beharrezkoagoa dugu euskal programazioa izatea hemen eta Euskal Herri osoan», iritzi dio Galarzak.
Momentuz Aezkoako bederatzi herrietan eta Auritzen entzuten da Irati irratia, baina laster seinalea Luzaidera eta Erroibarko ibarrera heltzea espero dute. Etorkizunean Arrosa sarean sartzea gustatuko litzaieke.
Lanpostu baten deialdia
Azaroan iragarki bat jarri zuten hainbat hedabidetan, Irati irratian lan egiteko lau orduko postu bat eskainiz. Baina inork ez du izenik eman. Eta, behin-behinean, hiru hilabeteko konpromisoarekin hasi da Karmele Galarza. Bera izan zen irratiaren aurreko etaparen amaieran ibili zen esataria. «Espero dut datozen hilabeteetan beste norbait azaltzea. Kazetaritza, komunikatzea eta mugitzea gustatzen zaionarentzat aproposa da lana».
Irratiko blog bat ere sortu dute ikasle batzuek: http://iratielkartea.blogspot.com.
http://paperekoa.berria.info/agenda/2010-01-12/035/010/Irati_irratia_berpiztu_dute.htm
2010/02/24
Irrati saio bat sortzeko......
Irratian parte hartu nahi duzu?
Orain aukera paregabea duzue zuen ideiak irratsaio batean islatzeko...
Programa berezi bat sortu nahi baduzue Irati Irratiak aukera ematen dizu!
Gurekin kontaktatu (irati.elkartea@gmail.com) eta gainean dagoen orria bete!!
Animatu zaitezte eta zure programa sortu!!
Kide berria izateko orria
Entzuleok Irati Irratiaren kideak bihurtu nahi duzue?
Proiektu erakargarri honekin bat egin nahi duzue?
Kontaktatu gurekin (irati.elkartea@gmail.com) eta gainean ikusten duzun orria bete eta elkartearen kidea izango zara...
Animatu eta bat egin!
Entzun eta zabaldu!!
2010/01/02
Suscribirse a:
Entradas (Atom)